សម្រស់ពេលព្រឹកបង្កើនប្រសិទ្ធភាពការងារ។

សូមទស្សនាវិដេអូខាងក្រោម៖

សម្រស់ពេលព្រឹក=បង្កើនប្រសិទ្ធភាពការងារ។

ការក្រោកពីគេង នៅពេលព្រឹកព្រលឹម គឺជារឿងមួយ ដែលពិបាកធ្វើសម្រាប់អ្នកដែលរវល់វក់វីនឹងការងារ សល់ពីពេលយប់។ ដូច្នេះហើយ ទើបពួកគេត្រូវគេងសងវិញ រហូតថ្ងៃរះខ្លាំង ឬអាចដាច់មួយព្រឹកក៏ថាបាន។

ទោះជាយ៉ាងនេះក្ដី ការគេងយូរទ្រមក់ម្ដងម្កាល មិនអីទេ តែសូមកុំឲ្យក្លាយទៅជាទម្លាប់ ជាប់រាប់ខួបរាប់ខែ និងធ្វើឲ្យខូចសុខភាព និងបាត់បង់សម្រស់ ដោយមិនដឹងខ្លួន។

អ្នកជំនាញផ្នែកសម្រស់ និងសុខភាព បង្ហើបឲ្យដឹងថា ប្រសិនបើយើងព្យាយាមក្រោកពីគេងពីព្រលឹមរាល់ថ្ងៃ មានន័យថា យើងចំណេញ ៧ចំណុច ដ៏សំខាន់។

ខាងក្រោមនេះ ជាអត្ថប្រយោជន៍ ខ្លះៗដែលអ្នកអាចទទួលបានពីការក្រោកពីព្រលឹម។

. អារម្មណ៍ល្អ. ធ្វើការឆ្លាតជាងអ្នកដ៏ទៃ. សម្រស់ស្បែកស្អាត. ប្រព័ន្ធការពាររាងកាយរឹងមាំ. ការចងចាំបានល្អ. ទំនាក់ទំនងល្អជាមួយអ្នកដទៃ

ការក្រោកពីព្រលឹមជាទម្លាប់របស់មនុស្សជោគជ័យភាគច្រើន។ សូម្បីតែបក្សាបក្សី និងសត្វដែលលើដី សឹងតែទាំងអស់ក្រោកពីព្រលឹមដែរ។ ជំហានខាងក្រោមបានជួយខ្ញុំអោយក្រោកពីព្រលឹម ហើយខ្ញុំជឿថានឹងអាចជួយអ្នកបានដែរ៖

ជំហានទី ១៖ ដាក់ម៉ោងរោទ៍អោយឆ្ងាយពីខ្លួន

មូលហេតុមួយដែលយើងមិនជោគជ័យក្នុងការក្រោកពីព្រលឹមគឺ យើងដាក់ម៉ោងរោទ៍នៅជិតខ្លួន ដើម្បីអោយខ្លួនងាយស្រួលបិទនៅពេលក្រោកឡើង។

ជំហានទី ២៖ ម៉ោងរោទ៍ភ្លាម ក្រោកភ្លាម ហាមដង្អក់សូម្បីតែមួយវិនាទី

ការដង្អក់ ធ្វើអោយយើងមានគំនិតដើម្បីដេកបន្ត។

ជំហានទី ៣៖ ក្រោកឡើងភ្លាម រត់ទៅផឹកទឹកភ្លាម

បើអ្នកផឹកទឹក ២ ទៅ ៣កែវ វានឹងជួយអោយអ្នកស្វាង។

ជំហានទី ៤៖ កុំទៅជិតកន្លែងដំណែកវិញអោយសោះ

ក្រោកភ្លាម អ្នកត្រូវតែទៅរកវិធីសាស្រ្តយ៉ាងណាគេចអោយផុតពីកន្លែងដំណេក។ អ្នកអាចក្រោកឡើង ទៅងូតទឹក ឬចេញក្រៅ រត់ហត់ប្រាណ ជាដើម ប៉ុន្តែកុំនៅជិតកន្លែងដេកអោយសោះ។

ជំហានទី ៥៖ កំណត់គោលដៅនៃការក្រោក

វាងាយស្រួលក្នុងការដែលយើងចង់ដេកទៅវិញ បើយើងមិនដឹងថាយើងត្រូវក្រោកឡើងដើម្បីអ្វី។ ដូច្នេះយើងត្រូវកំណត់គោលដៅ ដែលវាអាចជាការហាត់ប្រាណ ការរៀបចំផែនការ ឬធ្វើអ្វីដែលសំខាន់បំផុតសម្រាប់ជីវិតរបស់អ្នក។

ជំហានទី ៦៖ លុតដំខ្លួនចំពោះម៉ោងដែលត្រូវចូលគេង

មូលហេតុមួយដ៏សំខាន់ដែលធ្វើអោយការក្រោកពីព្រលឹម មិនមានប្រសិទ្ធភាពព្រោះយើងអត់បានលុតដំខ្លួនចំពោះម៉ោងដែលត្រូវចូលគេង។

ជំហានទី ៧៖. ត្រូវប្ដូរផ្នត់គំនិតអំពីការក្រោកព្រឹកព្រលឹម

បើអ្នកគិតថាអ្នកត្រូវការការគេងអោយ ៨ម៉ោង នោះអ្នកនឹងមានអារម្មណ៍ខ្សោះនៅពេលព្រលឹម ហើយមិនចង់ក្រោក ប្រសិនបើអ្នកដេកមិនទាន់គ្រប់ ៨ម៉ោង។ វាជាមូលហេតុដ៏ធំបំផុតនៃការមិនក្រោកពីព្រលឹម។ តើអ្នកធ្លាប់ដែរឬទេនៅពេលដែលអ្នកដេកមិនលក់ ដោយរង់ចាំថ្ងៃស្អែកមកដល់ ព្រោះថ្ងៃស្អែកជាថ្ងៃពិសេសសម្រាប់ជីវិតរបស់អ្នក ។ តើមានអ្វីកើតឡើងនៅដែលអ្នកភ្ញាក់ឡើង? គឺអ្នកមានអារម្មណ៍ថាមានកម្លាំង មានអារម្មណ៍ថាមិនខ្សោះអ្វីសោះបន្ទាប់ពីក្រោកឡើង ព្រោះមានអ្វីពិសេសសម្រាប់ថ្ងៃនេះ៕

យើងត្រូវដូរផ្នត់គំនិតដោយចាត់ទុកថ្ងៃនេះជាថ្ងៃថ្មី រៀងរាល់ថ្ងៃជាថ្ងៃពិសេស នោះអ្នកនឹងក្រោកពីព្រលឹមជាមិនខាន។