ចំណុចសាមញ្ញៗធ្វើឲ្យខ្លួនឯងរីកចម្រើនឥតឈប់ឈរ។

ការ​អភិវឌ្ឍ​ខ្លួន​ឯង មិន​ចាំ​បាច់​ទាល់​តែ​ត្រូវ​ធ្វើ​ឲ្យ​មាន​ការ​ផ្លាស់​ប្តូរ​ធំ​ដុំ​អី​នោះ​ទេ តាម​ពិត​ទៅ​ វា​អាច​ជា​ការ​កែ​លម្អ​ទម្លាប់​តូច​ៗ​ប្រចាំ​ថ្ងៃមួយ​ចំនួន​ដែល​មិនទាន់​ល្អ​បន្ថែម​ពី​លើ​អ្វី​ដែល​អ្នក​មាន​ល្អ​ស្រាប់។ យ៉ាង​ណា​មិញ​អ្វី​ដែល​អ្នក​ត្រូវ​ការ​បំផុត​នោះ គឺ ភាព​ជាក់​លាក់, ការ​ប្ដេជ្ញា​ចិត្ត និង​ភាព​ឆ្លាត​វៃ។ ព្រោះថា​រាល់​ការ​ផ្លាស់​ប្តូរ នេះ អាច​លំបាក​តែ​ពេល​ដំបូង​ប៉ុណ្ណោះ​ បើ​អ្នក​អាច​សម្រេច​ជោគជ័យ​លើ​ជំហាន​ដំបូង​នេះ វា​​នឹង​ក្លាយជា​កម្លាំង​​ជំរុញ​អ្នក​ឲ្យ​សម្រេច​បាន​កាន់​តែ​ច្រើន កាន់​តែ​ធំ។

១. រៀបចំខ្លួនឲ្យមានរបៀបរៀបរយល្អ


«កុំវាយតម្លៃមនុស្សតាមរយៈសំបកក្រៅ» ប្រហែលជាអ្នកធ្លាប់បានលឺពាក្យមួយឃ្លានេះ តែសម័យនេះទៅហើយ មនុស្សភាគច្រើនសុទ្ធតែឲ្យតម្លៃលើលក្ខណៈខាងក្រៅដូចជាសម្លៀកបំពាក់ ទម្ងន់ រូបរាងកាយ និងអំណាចទឹកប្រាក់ ជាដើម។ វាមិនជាកិច្ចការអ្វីធំដុំនោះទេ ព្រោះថាការតុបតែងខ្លួនឲ្យបានស្អាតនឹងធ្វើឲ្យអ្នកមានអារម្មណ៍ល្អចំពោះខ្លួនឯង ហើយអ្នកដទៃទៀតសោតក៏និយាយសរសើរអ្នកផងដែរ។ ប្រាកដណាស់អារម្មណ៍ពេលត្រូវបានគេសរសើរ គឺអារម្មណ៍សប្បាយរីករាយ និងស្រស់ថ្លា។

២.រៀនមិនចេះចប់(រៀនហើយរៀនទៀត)

 មាន​ន័យ​ថា​បន្ត​ស្វែង​រក​ចំណេះ​ដឹង​ថ្មីៗ មិនឈប់ឈរ នឹង​​ជួយ​ឲ្យ​អ្នកកាន់តែ​មានជំនឿចិត្តលើខ្លួនឯង និង​មិន​ខ្លាច​ ឬ​បារម្ភ​ពេល​ត្រូវ​ជួប​មនុស្ស​ថ្មី​ឡើយ​។ មនុស្សដែល​បន្ត​រីក​ចម្រើន​ជា​ប្រចាំ ត្រូវ​តែ​ត្រៀម​ខ្លួន​ជានិច្ច​សម្រាប់​ទទួល​យក​អ្វី​ថ្មី។​ជាការពិតណាស់ការរៀនសូត្រ គឺមិនបានកំណត់ថាមនុស្សណាម្នាក់ណារៀនបាន ហើយម្នាក់ទៀតរៀនមិនបាននោះទេ ទោះបីពួកគេមានពណ៍សម្បុរខុសគ្នា ឋានះខុសគ្នា ឬអាយុខុសគ្នាក៏ដោយ។

ពាក្យថា”រៀន” គឺបានកើតចំពោះតាំងពីកំណើតមកម្លេះ ហើយវានៅតែបន្តរ៥ហូតដល់

យើងរលត់សង្ខារផងដែរ ដែលយើងតែងនាំគ្នានិយាយថា រៀនហើយរៀនទៀតរៀនពេញមួមយជីវិត។ យើងឃើញថាទារក ទើបនិងកើត រៀនយំមុនគេបង្អស់  ហើយវាចាប់ផ្តើមរៀនសើច រៀ​ននិយាយ រៀនដើររហូតដល់វ័យចូលសាលាររៀន រៀនសសេរ រៀនអានអក្សរ​រៀនគិតជាដើ​ម។ នៅផ្ទះគេរៀនរស់នៅជាមួយអ្នក​ដទៃ រៀនប្រាស្រ័យទាក់ទងគ្នា។ ​ពេលដែលគេបញ្ជប់ការសិក្សា គេត្រូវរៀ​នរកការងារ ដើម្បីរកប្រាក់ចិញ្ចឹមជី​វិត គឺពេលនោះហើយមនុស្សគិតថា ចំណេះដែលគេបានរៀន នៅសាលាមិនទាន់គ្របើគ្រាន់​សម្រា​ប់គេគឺរៀនពីអ្នកដទៃ ពីការងារដែលគេកំ​ពុងធ្វើ ដែលយើងហៅថាបទពីសោធន៏ ។ ដល់វ័យជរាឬចូលនិវត្ត មានន័យ​ថា មនុស្សផ្តាច់ខ្លួនពីការងារប៉ុ​ន្តែមិនមែនផ្តាច់ខ្លួនចេញពីអ្នកដទៃ វ័យនេះហើយដែលមនុស្សត្រូ​វចេះចែករមលែកបទពិសោធន៏និងរៀនបទ​ពិសោធន៏ពីមនុស្សចាស់ផ្សេងទៀត។

៣. ទម្លាប់​ខ្លួន​ឯង​ឲ្យ​មាន​វិន័យ

 ជីវិត​ពោរ​ពេញ​ដោយ​រឿង​ស្មាន​មិន​ដល់។ បើ​អ្នក​ចង់​រៀប​ចំ​ជីវិត​ប្រចាំ​ថ្ងៃ​ឲ្យ​បាន​ល្អ ឈាន​ទៅ​រក​ភាព​ជោគជ័យ​ពិត​ប្រាកដ ទម្លាប់​ល្អ និង​វិន័យ​ត្រូវ​មាន​ដាច់​ខាត។ អ្នក​ត្រូវ​បង្កើត​ទម្លាប់​នោះ​ឲ្យ​ទៅជា​គោលការណ៍​ផ្ទាល់​ខ្លួន ធ្វើ​វា​ឲ្យ​ជាក់លាក់ ដូចជា​ត្រូវ​ភ្ញាក់​ឲ្យ​លឿន​ទៀងទាត់ ទៅ​ធ្វើ​ការ​ទៀង​ម៉ោង​ជាដើម។ ធ្វើ​បែប​នេះ​បាន​រាល់​ថ្ងៃ គ្រប់គ្នា​ជុំវិញ​ខ្លួន​អ្នក​ច្បាស់​ជា​ទប់​មិន​សរសើរ​អ្នក​មិន​បានឡើយ។

៤. ការរាប់អានមិត្ត

សំដីផ្អែមល្ហែម​​ នាំអោយមានមិត្តសម្លាញ់ច្រើន​ ពាក្យសំដីរួសរាយ បង្កើនទំនាក់ទំនងល្អ។ សូមអោយមានមនុស្សជាច្រើនគោរពរាប់អាន ប៉ុនែ្ត ក្នុងចំណោមមនុស្សមួយពាន់នាក់ ចូរជ្រើសរើសយក តែម្នាក់ធ្វើជាទីប្រឹក្សា បើចង់យកនរណាម្នាក់មកធ្វើជាមិត្តសម្លាញ់ ចូរសងេ្កតមើលចិត្តគេជាមុនសិន កុំអាលទុកចិត្តលើគេពេក​ ព្រោះអ្នកខ្លះធ្វើជាមិត្តសម្លាញ់នៅពេលណាចង់បានផលពីយើង តែក្នុងគ្រាមានអាសន្ន គេ​រត់ចោលយើង​។ មានមិត្តសម្លាញ់ខ្លះ ប្រែកា្លយទៅជាសត្រូវ ដោយនិយាយបរិហារកេរិ៏យើងបណ្តាលអោយយើងអាប់កិតិ្តយស។ មានមិត្តសម្លាញ់ បរិភោគបាយរបស់ យើង ប៉ុន្តែ នៅគ្រាដែលយើងមានអាសន្នគេរត់ចោលយើង។ ក្នុងពេលសម្បូណ៏សប្បាយ គេសុខចិត្តស្លាប់រស់ជាមួយយើងទាំងហ៊ានត្រួតត្រាលើអ្នកបំរើរបស់យើងទៀតផង។ លុះពេលយើង ធ្លាក់ខ្លួនលំបាក គេប្រឆាំងនឹងយើង ហើយគេចមុនចេញពីយើង។​ ចូរនៅអោយឆ្ងាយពីខ្មាំងសត្រូវ ចូរប្រយ័ត្ននឹងមិត្តសម្លាញ់។ មិត្តស្មោះត្រង់ ប្រៀបដូចជាជំរកដ៏រឹងមាំ។ អ្នករកបានមិត្តសម្លាញ់ ដ៏ស្មោះត្រង់ ក៏ដូចជារកបានកំណប់មាសដែរ។ មិត្តស្មោះត្រង់​ មានតម្លៃរកអ្វីមកប្រៀបស្មើពុំបាន។ មិត្តសម្លាញ់ស្មោះត្រង់ ប្រៀបបាននឹងឱសថដ៏ស័ក្តិសិទ្ធិ ដែលជួយអោយរស់បានយួរ៕

Recent Tips

ភាពជាអ្នកដឹកនាំតាមរយៈការកសាងស្នាដៃ | Leadership through achievement building

ភាពជាអ្នកដឹកនាំ ត្រូវបានអ្នកផងទូទៅស្គាល់ថាជាគ្រឹះនៃមនុស្សគ្រប់គ្នាក្នុងការដឹកនាំខ្លួនឯង អ្នកដទៃ មិត្តភ័ក្តិ ឬក៏ក្រុមការងារ…ជាដើម។